លោក ឡាយ ឈុនហួ ប្រធានក្រុមប្រឹក្សាភិបាលក្រុមហ៊ុន សុីធីរ៉ាយស៍ អុីមផត អិចផត ខូ អិលធីឌី (City Rice Import Export Co.,Ltd. មានកិត្តិយស អញ្ជើញ ចូលរួមកម្មវិធីវេទិកាពិភាក្សា អំពីស្ថានភាពស្រូវអង្ករលើពិភពលោក និងការណែនាំអំពីទិសដៅកម្ពុជាគួរតែធ្វើ។ ដែលក្នុងនោះធ្វេីការបទបង្ហាញដោយ លោក Jeremy Zwinger ប្រធាន និងជានាយកប្រតិបត្តិរបស់ The Rice Trader (TRT) នៅល្ងាចថ្ងៃទី ៤ ខែមិថុនាឆ្នាំ ២០២៤ នៅសណ្ឋាគារ The Flatiron។
កម្មវិធីនេះ ផ្តល់កិត្តិយសចូលរួម ដោយ ឯកឧត្តម សុខ ពុទ្ធិវុធ រដ្ឋលេខាធិការក្រសួង ប្រៃសណីយ៍ និង ទូរគមនាគមន៍ និងជាប្រធានកិត្តិយស សហព័ន្ធស្រូវអង្ករកម្ពុជា ផងដែរ។
កម្មវិធីនេះពិភាក្សា ស្វែងយល់បន្ថែមអំពី ទីផ្សារសក្តានុពល បញ្ហាប្រឈមក្នុងទីផ្សារអន្តរជាតិ និង ពត៌មានថ្មីៗផ្សេងទៀត ដែលពាក់ពន្ធ័នឹងវិស័យស្រូវអង្ករ ពិភពលោកផងដែល។
មិនតែប៉ុណ្ណោះ វេទិកានេះគឺជាឱកាសនៃការ ជួបជុំរបស់បងប្អូនរោងម៉ាស៊ីនជាង50ក្រុមហ៊ុនមកពីទីជិតឆ្ងាយ គ្រប់ខេត្តក្រុង ដេីម្បីមកសំណេះសំណាលគ្នា រកវិធីសាស្ត្រគ្រប់ច្រកល្ហក ដេីម្បីនាំចេញអង្ករកម្ពុជា ទៅទីផ្សារអន្តរជាតិអោយបានកាន់តែច្រើន។
